ଭୁବନେଶ୍ୱର: ଭଗବାନ ଶିବଙ୍କୁ ଭୋଲେନାଥ ମଧ୍ୟ କୁହାଯାଏ । କୁହାଯାଏ ମହାଦେବ ଅତି ଦୟାଳୁ । ସେ ଭକ୍ତମାନଙ୍କ ଉପରେ ଖୁବ୍ ଶୀଘ୍ର ସନ୍ତୁଷ୍ଟ ହୋଇଥାନ୍ତି । ତେଣୁ ସେ ଭୋଲେନାଥ ନାମରେ ଜଣାଶୁଣା । ଶାସ୍ତ୍ର ଏବଂ ପୁରାଣ ଅନୁଯାୟୀ ଭଗବାନ ଶିବଙ୍କ ଉପାସନା ବିଶେଷ ଫଳପ୍ରଦ ହୋଇଥାଏ । ବିଶ୍ୱାସ କରାଯାଏ ଯେ ଭଗବାନ ଶିବ ଭକ୍ତଙ୍କ ଭକ୍ତି ଓ ଉପାସନାରେ ସନ୍ତୁଷ୍ଟ ହୁଅନ୍ତି ଏବଂ ସେମାନେ ଯାହା ଚାହାଁନ୍ତି ସେମାନଙ୍କୁ ପ୍ରଦାନ କରନ୍ତି । ଏଭଳି ପରିସ୍ଥିତିରେ ଲୋକମାନେ ଭଗବାନ ଶିବଙ୍କ ଚିତ୍ର କିମ୍ବା ଫଟୋ ମଧ୍ୟ ଘରେ ରଖିଥାନ୍ତି । ଯାହାଫଳରେ ଭୋଲେନାଥଙ୍କ ଆଶୀର୍ବାଦ ତାଙ୍କ ଉପରେ ରହିଥାଏ । ଜ୍ୟୋତିଷ ଶାସ୍ତ୍ର ଅନୁଯାୟୀ ଭଗବାନ ଶିବଙ୍କର ଏକ ପ୍ରତିମା କିମ୍ବା ଚିତ୍ର ରଖିବା ସକରାତ୍ମକ ଶକ୍ତି ବିସ୍ତାର କରିଥାଏ। ଆହୁରି ମଧ୍ୟ, ଘରେ ସୁଖ ଏବଂ ଶାନ୍ତି ରହିଥାଏ । କିନ୍ତୁ ଭଗବାନ ଶିବଙ୍କ ଫଟୋ ଘରେ ରଖିବାବେଳେ କିଛି ଜିନିଷ ପ୍ରତି ଧ୍ୟାନ ଦେବା ଉଚିତ୍।
ବାସ୍ତୁ ବିଶେଷଜ୍ଞମାନେ କହିଛନ୍ତିଯେ, ଭଗବାନ ଶିବଙ୍କ ପ୍ରତିମା କିମ୍ବା ଚିତ୍ର ରଖିବାବେଳେ କିଛି ଜିନିଷର ଯତ୍ନ ନିଆଯିବା ଉଚିତ୍ । ଭଗବାନ ଶିବଙ୍କର ଭୟଙ୍କର ରୂପର ଚିତ୍ର ଭୁଲ୍ ରେ ମଧ୍ୟ ଘରେ ରଖିବା ଉଚିତ୍ ନୁହେଁ । ଘରେ ଏପରି ପ୍ରତିମା କିମ୍ବା ଚିତ୍ର ରଖିବା ଅଶୁଭ ବୋଲି ଧରାଯାଏ । ଯଦି ତୁମେ ଭଗବାନ ଶିବଙ୍କ ବିନାଶକର ଚିତ୍ର ଘରେ ରଖ । ତେବେ ପରିବାର ସଦସ୍ୟଙ୍କ ମନରେ ନକାରାତ୍ମକ ଶକ୍ତି ବିସ୍ତାର ହୁଏ । ବାସ୍ତୁ ଶାସ୍ତ୍ର ଅନୁଯାୟୀ, ଆପଣ ଭଗବାନ ଶିବଙ୍କ କୌଳାସ ପର୍ବତ ଉପରେ ବସିଥିବାର ଚିତ୍ର ରଖିପାରିବେ । ଏହା ବ୍ୟତୀତ ଭଗବାନ ଶିବ ବୃଷଭ ଉପରେ ବସିଥିବା ଫଟୋ କିମ୍ବା ମୁହଁରେ ହସ ଫୁଟାଇଥିବା ଫଟୋ ଘରେ ସକରାତ୍ମକ ଶକ୍ତି ଯୋଗାଇଥାଏ । ଘରେ ଭଗବାନ ଶିବଙ୍କର ଏକ ଫଟୋ କିମ୍ବା ଚିତ୍ର ଏପରି ଦିଗରେ ରଖନ୍ତୁ ଯେଉଁଠାରେ ସମସ୍ତେ ଦର୍ଶନ ପାଇପାରିବେ । ଭଗବାନ ଶିବଙ୍କ ଫଟୋ ଘରର ଉତ୍ତର ଦିଗରେ ରଖାଯାଇପାରିବ । ଏହି ଦିଗଟି ଶୁଭ ବୋଲି ବିବେଚନା କରାଯାଏ । ଏହି କାରଣରୁ, ପରିବାର ସଦସ୍ୟଙ୍କ ମଧ୍ୟରେ ସମନ୍ୱୟ ବୃଦ୍ଧି ହୁଏ ଏବଂ ସୁଖ ଏବଂ ସମୃଦ୍ଧତା ରହିଥାଏ ।